మిఠాయికి సెన్సార్ సభ్యుల ప్రశంసలు
![Censor members appreciate Mithai movie]( "Censor members appreciate Mithai movie")
Censor members appreciate Mithai movie (Photo:SocialNews.XYZ)
రాహుల్ రామకృష్ణ, ప్రియదర్శి, కమల్ కామరాజు, శ్వేతవర్మ, అర్ష ప్రధాన పాత్రల్లో తెరకెక్కిన చిత్రం మిఠాయి. ప్రశాంత్ కుమార్ దర్శకత్వంలో డా.ప్రభాత్ కుమార్ నిర్మించారు. కాగా ఈ చిత్రం సెన్సార్ కార్యక్రమాలు పూర్తయ్యాయని థియేట్రికల్ హక్కులను సొంతం చేసుకున్న మామిడాల శ్రీనివాస్ తెలిపారు. ఇంకా ఆయన మాట్లాడుతూ, చిత్రాన్ని చూసిన సెన్సార్ సభ్యులు చిత్రం బావుందంటూ ప్రశంసించారని చెప్పారు. ఈ నెల 22న చిత్రాన్ని విడుదల చేస్తున్నామని, అందరినీ ఆహ్లాదపరిచే చక్కటి వినోదాత్మక చిత్రమిదని ఆయన వెల్లడించారు. డార్క్ కామెడీతో విభిన్న పాత్రల మధ్య సాగే కథ, కథనాలు ఆద్యంతం ప్రేక్షకులను అలరింపజేస్తాయని ఆయన తెలిపారు. రాహుల్ రామకృష్ణ, ప్రియధర్శిల అభినయం సినిమాకే ఓ హైలైట్ అని చెప్పారు. కథానుసారం నవరసాలను మేళవించి దర్శకుడు చిత్రాన్ని ఎంతోబాగా మలిచారని అన్నారు. వివేక్ సాగర్ సంగీతం వీనులవిందుగా ఉంటుందని, మొత్తంమీద థియేటర్ నుంచి వచ్చే ప్రేక్షకుడికి ఓ మంచి చిత్రాన్ని చూసిన అనుభూతి కలుగుతుందని అన్నారు.
ఈ చిత్రంలోని ఇతర ముఖ్యపాత్రల్లో భూషణ్ కల్యాణ్, రవివర్మ, గాయత్రి గుప్త, అదితీ మైఖెల్ తదితరులు తారాగణం. ఈ చిత్రానికి పాటలు-కిట్టు విస్సాప్రగఢ, మాటలు-బి.నరేష్ రెడ్డి, సంగీతం-వివేక్ సాగర్, సినిమాటోగ్రఫీ-రవివర్మన్ నీలమేఘం, ఎడిటింగ్-గ్యారీ బి.హెచ్.
The post Censor members appreciate Mithai movie appeared first on Social News XYZ.
