పూరి జగన్నాధ్ , రామ్ సినిమాకు టైటిల్ ఖరారు !
ఎనర్జిటిక్‌ హీరో రామ్‌తో పూరి ఓ సినిమాను ప్రారంభించనున్నాడు. ఇటీవలే ఈ సినిమాను అధికారికంగా ప్రకటించారు. మాస్ ఎలిమెంట్స్ తో తెరకెక్కనున్న ఈ సినిమా రెగ్యులర్ షూటింగ్ జనవరిలో ప్రారంభం కానుంది. మేలో చిత్రం ప్రేక్షకుల ముందుకు రానుంది.
ఈ సినిమాకు పండుగాడు అనే టైటిల్ ను ఖరారు చేసినట్లు సమాచారం. పోకిరి సినిమాలో మహేష్ బాబు పాత్ర పేరును రామ్ సినిమాకు పెట్టడం విశేషం. ఈ సినిమాను పూరి భార్య లావణ్య సమర్పణలో పూరి జగన్నాథ్‌ టూరింగ్ టాకీస్‌ బ్యానర్‌పై తెరకెక్కనుంది. ఈ సినిమాకు నటి చార్మీ సహ నిర్మాతగా వ్యవహరించనున్నారు. ప్రస్తుతం ప్రీ ప్రొడక్షన్‌ పనుల్లో ఉన్న ఈ మూవీకి సంబంధించి పూర్తి వివరాలు త్వరలో వెల్లడించనున్నారు.
రామ్, పూరి ఇద్దరూ సక్సెస్ కోసం వెయిట్ చేస్తున్నారు. ఈ సినిమా ఇద్దరికీ మంచి సినిమా అవుతుందేమో చూడాలి. కొత్త హీరోయిన్ ఈ చిత్రంలో నటించనుంది. స్టార్ హీరోలతో సినిమాలు చేసిన పూరి రామ్ తో చేయబోతున్న సినిమాపై మంచి హోప్స్ ఉన్నాయి. ఈ సినిమా గురించి మరింత సమాచారం తెలియాల్సి ఉంది. రామ్ ఈ సినిమాను పూరితో ఫోటో దిగి ట్విట్టర్ లో పోస్ట్ చేస్తూ ప్రకటించాడు.
The post Ram and Puri’s movie title finalized? appeared first on Social News XYZ.