సుధీర్ బాబు కథతో మెగా హీరో !
కొత్త నిర్మతలు కొంతకాలం క్రితం సుధీర్ బాబుతో ఒక సినిమాను మొదలుపెట్టారు. సీరియల్స్ దర్శకుడు పులి వాసు ఈ సినిమాకు దర్శకుడు. మెహరిన్ ఈ సినిమాకు హీరోయిన్. పలువురు సినీ ప్రముఖుల మధ్య ఈ సినిమా గ్రాండ్ గా ప్రారంభం అయ్యింది. కొన్ని అనివార్య కారణాల వల్ల సినిమా ఆగిపోయింది. హీరో సుధీర్ బాబు తనకు ఇచ్చిన ఇరభై ఐదు లక్షలు తిరిగి ఇచ్చేశాడు. సుధీర్ బాబు ఈ సినిమా నుండి పూర్తిగా సైడ్ అయ్యి వేరే సినిమా పనుల్లో బిజీగా ఉన్నాడు.
ఇప్పుడు ఈ ప్రాజెక్టు లోకి హీరో కల్యాణ్ దేవ్ వచ్చాడు. చిరంజీవి అల్లుడైన కల్యాణ్ దేవ్ విజేత సినిమాతో హీరోగా ఎంట్రీ ఇచ్చాడు. ఆ సినిమా పెద్దగా సక్సెస్ కాలేదు. రెండో సినిమాతో తన లక్ ను పరీక్షించుకోబోతున్నాడు ఈ హీరో. తమన్ సంగీతం అందిస్తున్న ఈ సినిమాలో మెహరిన్ నటిస్తోందా ? వేరే హీరోయిన్ ఎవరైనా నటిస్తారా తెలియాల్సి ఉంది. చిరంజీవి కల్యాణ్ దేవ్ మొదటి సినిమాకు జాగ్రత్తలు తీసుకొని విజేత కథను ఓకేచేశాడు. మరి సెకండ్ సినిమా వేరే హీరో రిజెక్ట్ చేసిన కథతో కల్యాణ్ దేవ్ సినిమా చేస్తున్నాడు. ఈ సినిమాతోనైనా కల్యాణ్ దేవ్ విజయం సాధిస్తాడో చూడాలి.
The post Mega Hero steps into Sudheer Babu’s stalled project appeared first on Social News XYZ.